فلم انڈسٹری کی معروف اداکارہ نے ابھرتے ہوئے ٹی وی اداکار افضل خان عرف ریمبو کے ساتھ اپنی محبت کہانی سے متعلق دلچسپ انکشافات کیے ہیں۔
ایک انٹرویو میں اداکارہ نے بتایا کہ وہ ہمیشہ سے بالی وڈ اسٹار اکشے کمار کی مداح رہی ہیں اور جب پہلی بار ریمبو سے ملاقات ہوئی تو ان میں اکشے کمار جیسی جھلک نظر آئی۔ تاہم، اداکارہ نے کہا کہ وہ ریمبو کی شکل و صورت سے زیادہ ان کی صاف دل طبیعت اور خوبصورت شخصیت سے متاثر ہوئی تھیں۔
اداکارہ نے مزید کہا کہ ابتدائے عشق میں ریمبو فلم کے سیٹ پر ان کے لیے گانا گاتے اور موقع ملنے پر پھول بھی پیش کیا کرتے تھے۔ جب پوچھا گیا کہ محبت کا اظہار پہلے کس نے کیا، تو اداکارہ نے شرماتے ہوئے کہا کہ یہ باتیں کافی پرانی ہیں اور بچے بھی جوان ہوچکے ہیں۔
اداکارہ نے ایک یادگار واقعہ بھی سنایا کہ فلم ’ہاتھی میرے ساتھی‘ کے گانے کی شوٹنگ کے دوران جب وہ سمندر میں ڈوبنے لگیں، تو ریمبو نے اپنی جان پر کھیل کر انہیں بچایا۔
صاحبہ نے آخر میں کہا کہ شادی کے بعد ہر دن کے ساتھ ریمبو کے ساتھ ان کا رشتہ مضبوط تر اور حسین ترین ہوتا گیا، اور آج وہ ایک دوسرے کے بغیر زندگی کا تصور بھی نہیں کر سکتیں۔