ایک چینی انفلوئنسر کو لائیو اسٹریمنگ کے دوران بیوٹی فلٹر کی اچانک خرابی کے باعث لاکھوں فالوورز سے محروم ہونا پڑا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ انفلوئنسر کسی گانے پر ویڈیو بنا رہی تھیں کہ اچانک بیوٹی فلٹر کام کرنا بند کر دیتا ہے اور ان کا اصل چہرہ سب کے سامنے آ جاتا ہے۔ اس واقعے کے بعد انفلوئنسر تقریباً 1 لاکھ 40 ہزار فالوورز کھو بیٹھیں۔
صارفین نے فلٹرز کے کردار پر بحث کی اور کچھ نے انفلوئنسر کو حقیقت چھپانے پر تنقید بھی کی۔ سوشل میڈیا صارفین کا کہنا ہے کہ بیوٹی فلٹر اکثر حقیقی شکل کو دھندلا کر پیش کرتے ہیں۔