سینئر سیاستدان ڈاکٹر فاروق ستار نےحال ہی میں نجی نیوز چینل کے رمضان اسپیشل پروگرام میں گفتگو کرتے ہوئے اپنی دو شادیوں کا ذکر کیا اور مردوں کے لیے اہم نصیحت بھی کی۔
ڈاکٹر فاروق ستار نے کہا دو بیویاں رکھنا ہمت کا کام ہے اور یہ ہمت صرف وہ شخص کر سکتا ہے جو ایم کیو ایم میں خدمات انجام دے رہا ہو۔ میں کسی بھی مرد کو دوسرا نکاح کرنے کی سفارش نہیں کروں گا اگر وہ پہلی شادی میں خوش ہے۔ تاہم اگر عام رائے مانگی جائے تو میں کسی کو مشورہ نہیں دوں گا کیونکہ یہ ذاتی انتخاب ہے۔
انہوں نے کہا کہ میری دوسری شادی میرا ذاتی فیصلہ تھا میں نے کسی کو اس کی ترغیب نہیں دی۔ اگر کوئی محبت میں مبتلا ہو تو اسے دوسرا نکاح کرنے سے بچنے کے لیے بڑا مقصد تلاش کرنا چاہیے۔
پروگرام کے دوران میزبان زوہیب حسن نے لائیو انکشاف کیا کہ ڈاکٹر فاروق ستار کی دو بیویاں ہیں جس پر انہوں نے مزاحیہ انداز میں کہا کہ جب بھی میری حالت اچھی ہوتی ہے زوہیب میری دو شادیاں یاد دلا دیتا ہے۔
انہوں نے بتایا کہ شاہدہ ایک ماحولیاتی ماہر ہیں اور اسلام آباد میں رہتی ہیں جبکہ دوسری بیوی کراچی میں مقیم ہیں۔ ڈاکٹر فاروق ستار نے مزید مذاق میں کہا کہ وہ اکثر ان دونوں کو بتاتے ہیں کہ لاہور میں ایک رکھنے کا بھی آپشن موجود ہے۔