پاکستان کی معروف ٹی وی اداکارہ سدرہ نیازی نے حال ہی میں جیو ٹی وی کے رمضان اسپیشل پروگرام ہنسنا منع ہے میں اپنے شوہر کے بارے میں تفصیل سے گفتگو کی۔ اداکارہ جو اپنے خوبصورت انداز اور بہترین اداکاری کے لیے جانی جاتی ہیں، نے بتایا کہ ان کے شوہر لاہوری کھانوں کے شوقین ہیں اور ہمیشہ ان کا دفاع کرتے ہیں۔
سدرہ نیازی نے کہا کہ میرے شوہر ایک منفرد شخصیت ہیں۔ ہمیشہ مختلف رائے رکھتے ہیں اور اکثر مخالفت کی راہ اختیار کرتے ہیں وہ ایک پراسرار انسان ہیں اور نہیں چاہتے کہ ان کا نام ٹی وی پر بتایا جائے۔
اس انٹرویو سے پہلے میزبان تابش ہاشمی نے بتایا کہ ان کے شو میں شامل ہونے والے سیاستدان اور دیگر مشہور شخصیات اتنی احتیاط نہیں برتتیں، جتنی سدرہ نیازی کے شوہر کے لیے کالرز نے کی۔ پروگرام کے دوران کئی افراد نے درخواست کی کہ اداکارہ اپنے شوہر کا نام ظاہر نہ کریں، جسے انہوں نے احترام کے ساتھ پیش نظر رکھا۔
خیال رہے کہ سدرہ نیازی نے اپنے کیریئر کا آغاز بطور کرائم رپورٹر کیا تھا اور بعد میں ٹی وی ڈراموں سکون، پیار تو بڑھ گیا، محشرخوشبو میں بسے خط، سمجھوتا، زخم اور دھوکہ میں نمایاں کردار ادا کیے۔ وہ سوشل میڈیا پر بھی بہت مقبول ہیں اور اپنی ذاتی زندگی کے بارے میں شفاف انداز میں بات کرنے کے باعث شہرت رکھتی ہیں۔