پاکستانی ڈیجیٹل کنٹینٹ کری ایٹر اور اداکارہ سحر حیات نے ٹک ٹاکر شوہر سمیع رشید سے خلع لینے کی وجہ عوام کے سامنے بیان کر دی۔
سحر حیات نے اپنی انسٹا اسٹوری میں بتایا کہ ازدواجی زندگی میں روزانہ طلاق کی دھمکیاں سننا اور شوہر کی جانب سے والدین اور گھر والوں کے سامنے بے عزتی کے بعد انہیں خلع لینا پڑا۔
انہوں نے واضح کیا کہ بیٹی کے حوالے سے سوشل میڈیا پر باتیں کی جا رہی ہیں لیکن حقیقت یہ ہے کہ سمیع رشید نے بیٹی کے اخراجات میں ایک پیسہ بھی نہیں دیا اور اپنی انسٹا اسٹوریز میں ان کے ماضی کا ذکر کیا۔
سحر حیات نے کہا کہ لوگ سنی سنائی باتوں پر یقین کرتے ہیں لیکن وہ اپنے موقف کے ثبوت کے ساتھ موجود ہیں۔ انہوں نے یہ بھی کہا کہ گاڑی ابھی تک واپس نہیں ملی جبکہ بیٹی کے لیے صرف سوشل میڈیا پر توجہ دی جا رہی ہے۔
واضح رہے کہ سحر حیات اور سمیع رشید کی شادی 2023 میں ہوئی تھی اور 2024 میں بیٹی کی پیدائش کے بعد اختلافات کی وجہ سے یہ رشتہ ختم ہو گیا۔