اسلام آباد کی عدالت نے مشہور ٹک ٹاکر ڈاکٹر فضیلہ عباسی کے خلاف غیر قانونی کلینک کیس میں عبوری ضمانت منظور کر لی۔اسپیشل جج سینٹرل ہمایوں دلاور نے ڈاکٹر فضیلہ عباسی کے کیس پر سماعت کی۔
عدالت نے عبوری ضمانت 15 اپریل تک برقرار رکھنے کا حکم دیا ہے اور ڈاکٹر فضیلہ عباسی کو 50 ہزار روپے کے مچلکے جمع کرانے کی ہدایت کی گئی ہے۔اسپیشل جج سنٹرل ہمایوں دلاور نے ملزمہ کو تحقیقات کے دوران عدالت میں پیش ہونے کی بھی ہدایت کی ہے۔
واضح رہے کہ ڈاکٹر فضیلہ عباسی منی لانڈرنگ کے مقدمے میں بھی ضمانت پر ہیں۔ ملزمہ کے خلاف ایف آئی اے منی لانڈرنگ سیل اور اینٹی کرپشن سرکل میں دو مقدمات درج ہیں۔