بھارت کی لیجنڈری گلوکارہ آشا بھوسلے کو طبیعت ناساز ہونے کے باعث ممبئی کے بریچ کینڈی اسپتال میں داخل کیا گیا تھا جہاں وہ انتقال کرگئیں۔
بھارتی میڈیا کے مطابق 92 سالہ گلوکارہ کو شدید تھکن اور سینے میں انفیکشن کی شکایت تھی، جہاں ڈاکٹروں کی نگرانی میں ان کا علاج جاری تھا۔
میڈیا رپورٹس کے مطابق آشا بھوسلے کا انتقال متعدد اعضا کےکام چھوڑ جانےکے سبب ہوئی۔
لیجنڈ گلوکارہ کے بیٹے آنند بھوسلے کا کہنا ہے کہ آشا بھوسلےکی آخری رسومات کل شام کو ادا کی جائیں گی۔
آشا بھوسلے کی پوتی، زنائی بھوسلے نے سوشل میڈیا پر اس خبر کی تصدیق کرتے ہوئے مداحوں سے خاندان کی رازداری کا احترام کرنے کی درخواست کرتے ہوئے امید ظاہر کی تھی کہ وہ جلد صحت یاب ہوجائیں گی۔
واضح رہے کہ آشا بھوسلے نے بالی وڈ کو لاتعداد یادگار گیت دیے ہیں اور ان کی فنی خدمات کے اعتراف میں انہیں دادا صاحب پھالکے ایوارڈ اور بھارت کے دوسرے بڑے شہری اعزاز 'پدم وبھوشن' سے بھی نوازا جاچکا ہے۔