پاکستان کی معروف اداکارہ صبا قمر نے ایک حالیہ ویڈیو میں اپنی زندگی اور خواہشات سے متعلق گہرے خیالات کا اظہار کرتے ہوئے خود کو ایک "ادھوری روح" قرار دیا ہے۔
اداکارہ کا کہنا ہے کہ ان کی زندگی بھارتی ہدایت کار امتیاز علی کی فلموں کی طرح ہے، جہاں ادھورے پن میں بھی ایک خاص خوبصورتی اور احساس چھپا ہوتا ہے۔
صبا قمر نے خواہشات کے حوالے سے بات کرتے ہوئے کہا کہ اگر تمام خواہشیں پوری ہوجائیں تو انسان کے اندر تڑپ ختم ہوجاتی ہے، کیونکہ خواہشوں کا مل جانا خود خواہش کو مار دیتا ہے۔
ان کا مزید کہنا تھا کہ وہ درد میں بھی ایک خاص لذت محسوس کرتی ہیں اور ان کے خیال میں زندگی میں چیزوں کا ادھورا رہ جانا اپنا ایک الگ ہی مزہ رکھتا ہے۔
صبا قمر اپنے منفرد اندازِ اداکاری اور انٹرویوز میں اپنے خیالات کے بے باک اظہار کی وجہ سے اکثر خبروں کی زینت بنی رہتی ہیں۔