پاکستان شوبز انڈسٹری کی معروف اداکارہ ہانیہ عامر نے اپنے انسٹاگرام اکاؤنٹ پر اچانک بڑی تبدیلی کر کے مداحوں کو حیران کر دیا۔
ہانیہ عامر نے اپنے سوشل میڈیا ہینڈل سے متعدد گلیمرس تصاویر ہٹا دیں جبکہ پروفائل پکچر کو بھی ایک سادہ شناختی کارڈ طرز کی تصویر سے تبدیل کر دیا۔
ہانیہ عامر کی اس اچانک سوشل میڈیا تبدیلی نے انٹرنیٹ پر نئی بحث چھیڑ دی اور مداحوں نے ان کی نئی پروفائل تصویر کے اسکرین شاٹس شیئر کرنا شروع کر دیے۔
یہ تبدیلی ان کی والدہ کے نام جذباتی پوسٹ کے چند گھنٹوں بعد سامنے آئی جس میں اداکارہ نے اپنی والدہ کو خراجِ تحسین پیش کیا تھا۔
سوشل میڈیا صارفین کا کہنا ہے کہ جہاں عام طور پر شناختی کارڈ کی تصاویر متاثر کن نہیں ہوتیں، وہیں ہانیہ عامر اپنی سادہ تصویر میں بھی بے حد خوبصورت دکھائی دے رہی ہیں۔