امریکی سینٹرل کمانڈ نے ایران پر جمعرات کو مزید حملوں کے بعد کارروائی روکنے کا اعلان کیا ہے۔ ایرانی خبر رساں ایجنسیوں کے مطابق تہران کے مھر آباد ایئر پورٹ، کرج شہر، ابیق اور قزوین میں دھماکے سنے گئے۔ دوسری جانب ایران نے امریکی حملے کے جواب میں بحرین میں پانچویں امریکی نیول بیس اور کویت میں امریکی اڈے سمیت ’18 اہداف‘ کو نشانہ بنانے کا دعویٰ کیا ہے۔ ایران نے کہا ہے کہ آبنائے ہرمز بھی مکمل طور پر بند کر دی گئی ہے۔
- اردن کے ایئر بیس پر جدید امریکی لڑاکا طیاروں کو نشانہ بنایا بنایا گیا: پاسدارانِ انقلاب کا دعویٰ
- حملوں کے باعث کویت نے دفاعی نظام بحال کر دیا جبکہ فضائی حدود بند کر دیں
- اقوامِ متحدہ کے سربراہ کا مشرقِ وسطیٰ میں بڑھتے ہوئے بحران پر انتباہ
- امریکی سینٹرل کمانڈ کا تازہ حملوں کے بعد ایران میں کارروائی ختم کرنے کا اعلان
- ایران نے امریکی صدر کے اس دعوے کی تردید کی ہے جس میں اُنھوں نے کہا تھا کہ ایران کی درخواست پر حملے روکے گئے ہیں۔
- امریکی حملوں کے جواب میں ایران نے خطے میں امریکی اڈوں کو نشانہ بنانے اور آبنائے ہرمز مکمل طور پر بند کرنے کا دعویٰ کیا ہے۔
- ایران کی وزارتِ خارجہ کے ترجمان اسماعیل بقائی کا کہنا ہے کہ ان کا ملک ’بار بار ہونے والی جنگ بندی کی خلاف ورزیوں‘ کے بعد جنگ کے خاتمے کے لیے ہونے والے سفارتی مذاکرات کے مستقبل کا ازسرِ نو جائزہ لے رہا ہے۔
امریکی حملے کے بعد ایران کی جوابی کارروائیاں، بحرین، کویت اور اردن میں امریکی اڈوں کو نشانہ بنانے اور آبنائے ہرمز مکمل بند کرنے کا دعویٰ
