عالمی فٹبال کے معروف کھلاڑی کرسٹیانو رونالڈو نے وینزویلا کے زلزلے سے متاثرہ ایک کم عمر بچے کے لیے خصوصی پیغام بھیج کر ہمدردی اور انسان دوستی کا مظاہرہ کیا ہے۔
وینزویلا میں 24 جون کو آنے والے شدید زلزلے کے بعد اندریس میلس نامی بچہ اسپتال میں زیر علاج ہے۔ زلزلے کے سانحے میں اس کی ایک ٹانگ ضائع ہو گئی، جبکہ وہ اپنے والدین سے بھی بچھڑ گیا۔
اندریس نے مشکل وقت میں حوصلہ پانے کے لیے اپنے پسندیدہ فٹبالر کرسٹیانو رونالڈو کا ٹریڈنگ کارڈ حاصل کرنے کی خواہش ظاہر کی تھی۔ تاہم رونالڈو نے صرف کارڈ بھجوانے تک بات محدود نہیں رکھی بلکہ بچے کے نام ایک خصوصی پیغام بھی ارسال کیا۔
فٹبالر کے اس جذبے کو سوشل میڈیا پر بڑی تعداد میں سراہا جا رہا ہے۔ صارفین کا کہنا ہے کہ رونالڈو نے ایک ایسے بچے کو خوشی اور حوصلہ دینے کی کوشش کی ہے جو زلزلے کے بعد انتہائی کٹھن حالات سے گزر رہا ہے اور یہ عمل کھیل کے میدان سے آگے بڑھ کر انسانیت کی ایک خوبصورت مثال ہے۔