ساف فٹبال چیمپئن شپ کے سنسنی خیز مقابلے میں بھارت نے پاکستان کو 2-3 سے شکست دے دی۔
بنگلادیش کے دارالحکومت ڈھاکا میں کھیلے گئے میچ میں بھارتی ٹیم نے پہلے ہاف میں تین گول کرکے برتری حاصل کرلی، جبکہ پاکستان کی جانب سے 36ویں منٹ میں پنالٹی بھی ضائع ہوئی۔
دوسرے ہاف میں پاکستان نے شاندار کم بیک کرتے ہوئے نجیب اللہ اور عالمگیر غازی کے گولز کی بدولت اسکور 3-2 کردیا، تاہم مزید گول نہ ہوسکا اور بھارت نے میچ جیت لیا۔