انٹرنیشنل کرکٹ کونسل (آئی سی سی) کی جانب سے جاری کردہ تازہ ترین ہفتہ وار پلیئرز رینکنگ کے مطابق ٹاپ 10 ٹیسٹ بیٹرز کی فہرست میں کوئی بھی پاکستانی کھلاڑی اپنی جگہ بنانے میں ناکام رہا ہے۔
ٹیسٹ بلے بازوں کی اس نئی رینکنگ میں آسٹریلیا کے ٹریوس ہیڈ بدستور پہلی پوزیشن پر قابض ہیں، جبکہ سری لنکا کے کمیندو مینڈس شاندار کارکردگی کی بدولت دو درجے ترقی پا کر چھٹے نمبر پر پہنچ گئے ہیں۔
دیگر کھلاڑیوں میں ویسٹ انڈیز کے جسٹن گریوز نے 14 درجے کی بڑی چھلانگ لگائی ہے جس کے بعد وہ 49 ویں نمبر پر آ گئے ہیں، جبکہ ان کے ہم وطن کھلاڑی شائے ہوپ بھی 6 درجے بہتری کے ساتھ اب 51 ویں پوزیشن پر موجود ہیں۔