اسپورٹس بورڈ پنجاب کے زیر اہتمام سی ایم پنجاب اسپورٹس اکیڈمیز 2026 میں کھلاڑیوں کی ٹریننگ کا سلسلہ جاری ہے۔
اس سلسلے میں ایلینٹ ٹریننگ سنٹر میں قائم کراٹے اکیڈیمی میں 40 گرلز اور بوائز کو ٹریننگ دی گئی، جہاں کوچ محمد عامر نے بچوں کو کراٹے کی بنیادی تکنیکس اور جدید داؤ پیچ سکھائے۔
ڈی جی اسپورٹس پنجاب محمد طارق قریشی تمام سی ایم پنجاب اسپورٹس اکیڈمیز کی خود نگرانی کر رہے ہیں۔
اس موقع پر گفتگو کرتے ہوئے ان کا کہنا تھا کہ ان اسپورٹس اکیڈمیز سے نئے کھلاڑی سامنے آرہے ہیں اور یہاں بچوں کو بہترین انداز میں اسپورٹس سکھائی جارہی ہے۔
انہوں نے واضح کیا کہ ہمارا بنیادی مقصد اسپورٹس کلچر کا فروغ ہے، اور اسی مقصد کے تحت سی ایم پنجاب اسپورٹس اکیڈمیز میں بچوں کو بالکل مفت تربیت فراہم کی جا رہی ہے۔