امریکی ریاست کیلیفورنیا کے شہر سانتا کروز میں آسمان پر بادلوں کے ایک منفرد اور دلکش منظر نے شہریوں کو حیران کر دیا۔
میڈیا رپورٹس کے مطابق منگل کی شام غروبِ آفتاب کے وقت سمندر کے اوپر گہرے سیاہ اور سفید بادل اس انداز میں نمودار ہوئے کہ وہ سمندری لہروں کا منظر پیش کر رہے تھے۔
بادلوں پر پڑنے والی سورج کی سنہری کرنوں نے اس قدرتی نظارے کو مزید حسین بنا دیا، جسے دیکھنے والوں نے اپنے موبائل فونز میں محفوظ کر کے سوشل میڈیا پر شیئر کیا۔
ساحل پر موجود ایک خاتون کی جانب سے شیئر کی گئی ویڈیو دیکھتے ہی دیکھتے وائرل ہوگئی، جبکہ صارفین نے اس دلکش منظر کو قدرت کا حسین شاہکار قرار دیا۔