برطانیہ سے تعلق رکھنے والے 32 سالہ نیتھن ڈیوس نے صرف ایک منٹ میں 15 فِش فنگرز (فِش اسٹکس) کھا کر گینیز ورلڈ ریکارڈ اپنے نام کر لیا۔
نیتھن ڈیوس نے حال ہی میں ٹی وی گیم شو دی 1% کلب میں 130 ہزار ڈالر سے زائد کی انعامی رقم جیتی تھی۔ شو کے دوران انہوں نے اپنے اگلے ہدف کے طور پر گینیز ورلڈ ریکارڈ قائم کرنے کی خواہش کا اظہار کیا تھا۔
گینیز ورلڈ ریکارڈز سے گفتگو کرتے ہوئے نیتھن نے بتایا کہ انہیں یقین تھا کہ فِش فنگرز کھانے کا ریکارڈ وہ آسانی سے بنا سکتے ہیں کیونکہ وہ اس سے قبل بھی غیر روایتی کھانے سے متعلق چیلنجز آزما چکے ہیں۔
ریکارڈ قائم کرنے کے بعد نیتھن نے مزاحیہ انداز میں کہا کہ عالمی ریکارڈ بنانا باعثِ فخر ہے، اگرچہ یہ کچھ عجیب ضرور ہے کہ یہ ریکارڈ فِش فنگرز کھانے سے متعلق ہے۔ ان کا کہنا تھا کہ اگر فِش فنگرز کو کچھ دیر مزید ٹھنڈا ہونے دیتے تو شاید وہ اس سے بھی زیادہ کھا سکتے تھے، تاہم وہ اپنی کامیابی پر خوش ہیں۔