پاکستان کے معروف اداکار اعجاز اسلم نے اداکارہ ہانیہ عامر سے غیر معمولی مشابہت رکھنے والے ایک نوجوان کی تصویر شیئر کرکے سوشل میڈیا صارفین کو حیران کر دیا۔
اعجاز اسلم نے اپنی انسٹاگرام اسٹوری پر ایک کم عمر لڑکے کی تصویر ہانیہ عامر کی تصویر کے ساتھ شیئر کرتے ہوئے دلچسپ انداز میں سوال کیا کیا یہ ہانیہ عامر کا جڑواں بھائی ہے؟ مشابہت ناقابلِ یقین ہے۔
شیئر کی گئی تصاویر میں نوجوان کے گھنگریالے بال، مسکراہٹ، چہرے کے خدوخال اور ڈمپلز ہانیہ عامر سے کافی حد تک ملتے جلتے دکھائی دیے جس کے بعد سوشل میڈیا پر اس مشابہت پر دلچسپ تبصروں کا سلسلہ شروع ہوگیا۔
اعجاز اسلم کی یہ پوسٹ دیکھتے ہی دیکھتے وائرل ہوگئی جہاں کئی صارفین نے مذاقاً نوجوان کو ہانیہ عامر کا بھائی قرار دیا جبکہ متعدد افراد نے دونوں کے درمیان حیران کن مشابہت پر اتفاق کیا۔