سنجو بابا ہمیشہ سنجو بابا ہی رہیں گے۔ وہ صرف ہمارے نہیں بلکہ اپنے بچوں کے بھی بہترین والد ہیں۔ میرے بڑے بھائی سنجے دت، اللہ، بھگوان اور یسوع مسیح ہمیشہ آپ کو اپنی حفاظت میں رکھیں۔ آپ کے لیے میرے دل میں ہمیشہ محبت اور احترام رہے گا۔ آئی لو یو بابا۔
بالی ووڈ کے سپر اسٹار سلمان خان نے اپنے دیرینہ دوست سنجے دت کے لیے محبت بھرا پیغام شیئر کر کے مداحوں کی توجہ حاصل کر لی۔ انہوں نے انسٹاگرام پر سنجے دت کے ساتھ حالیہ ملاقات کی تصاویر پوسٹ کیں، جن میں دونوں اداکار ایک دوسرے کو گلے لگا کر اپنی مضبوط دوستی کا اظہار کرتے دکھائی دے رہے ہیں۔
سلمان خان نے اپنی پوسٹ میں سنجے دت کو نہ صرف اپنا بڑا بھائی قرار دیا بلکہ ان کی صحت، خوشی اور کامیابی کے لیے دعا بھی کی۔ دونوں اداکاروں کے درمیان برسوں پر محیط دوستی ایک بار پھر ان تصاویر اور جذباتی الفاظ کے ذریعے مداحوں کے دل جیتنے میں کامیاب رہی۔