قومی ٹیم کے فاسٹ بولر شاہین شاہ آفریدی ایک بار پھر لنکا پریمیئر لیگ میں کینڈی رائلز کی نمائندگی کریں گے۔ فرنچائز نے پلے آف مرحلے کے لیے شاہین کی خدمات دوبارہ حاصل کر لی ہیں۔
کینڈی رائلز نے پاکستان کے خوشدل شاہ اور حسن نواز کو بھی اپنے اسکواڈ میں شامل کر لیا ہے۔ تینوں کھلاڑی معین علی، صدیق اللہ اٹل اور برینڈن میک مولن کی جگہ ٹیم کا حصہ بنیں گے۔
لنکا پریمیئر لیگ کے پلے آف مقابلوں کا آغاز 5 اگست سے کولمبو کے آر پریماداسا اسٹیڈیم میں ہوگا جہاں کینڈی رائلز ٹائٹل کے حصول کے لیے میدان میں اتریں گے۔