فٹبال کے سپر اسٹارز لیونل میسی اور کرسٹیانو رونالڈو کو 2026 کی فیفا پرو مینز ورلڈ الیون کے لیے نامزد 26 کھلاڑیوں کی فہرست میں شامل کرلیا گیا ہے۔
نامزد کھلاڑیوں میں کائیلیان ایمباپے، ایرلنگ ہالینڈ، ہیری کین اور لامین یامال سمیت دیگر معروف فٹبالرز بھی شامل ہیں۔
فیفا پرو کے مطابق 73 ممالک کے 19 ہزار 806 پروفیشنل فٹبالرز نے ووٹنگ میں حصہ لیا۔ اس ایوارڈ کے فاتحین کا انتخاب صحافیوں یا شائقین کے بجائے خود فٹبالرز کرتے ہیں۔ورلڈ الیون کی حتمی ٹیم کا اعلان 9 نومبر 2026 کو کیا جائے گا۔