پاکستان بلائنڈ کرکٹ کونسل نے پلیئر سپورٹ پروگرام کے تحت قومی بلائنڈ کرکٹرز کے ماہانہ اعزازیے میں مہنگائی کے پیشِ نظر اضافہ کردیا ہے۔
پی بی سی سی کے مطابق جولائی سے دسمبر 2026 تک 18 قومی بلائنڈ کرکٹرز کو نئے ماہانہ اعزازیہ کے تحت نوازا جائے گا۔
نئی ترمیم کے مطابق کیٹیگری اے کے کھلاڑیوں کا ماہانہ اعزازیہ بڑھا کر 32 ہزار روپے، کیٹیگری بی کے کھلاڑیوں کا 26 ہزار روپے، جبکہ کیٹیگری سی کے کھلاڑیوں کا ماہانہ اعزازیہ 22 ہزار روپے مقرر کیا گیا ہے۔
چیئرمین پاکستان بلائنڈ کرکٹ کونسل سید سلطان شاہ نے تمام منتخب کھلاڑیوں کو اس موقع پر مبارکباد دی ہے۔