پاکستان کرکٹ بورڈ کے چیئرمین محسن نقوی نے پشاور زلمی کے چیئرمین جاوید آفریدی کی والدہ کے انتقال پر گہرے دکھ اور افسوس کا اظہار کیا ہے۔
چیئرمین پی سی بی محسن نقوی نے جاوید آفریدی اور سوگوار خاندان سے دلی ہمدردی و تعزیت کا اظہار کرتے ہوئے مرحومہ کی روح کے ایصالِ ثواب اور غمزدہ خاندان کے لیے صبرِ جمیل کی دعا کی۔
اپنے تعزیتی پیغام میں محسن نقوی کا کہنا تھا کہ ماں جیسی عظیم ہستی کی جدائی کا غم الفاظ میں بیان نہیں کیا جاسکتا۔
انہوں نے دعا کی کہ اللہ تعالیٰ سوگوار خاندان کو یہ ناقابلِ تلافی نقصان برداشت کرنے کا حوصلہ اور صبر عطا فرمائے، آمین۔