بنگلادیش کرکٹ ٹیم کے سابق کپتان شکیب الحسن کے آبائی گھر پر مشتعل افراد نے پیٹرول بموں سے حملہ کر دیا جس کے نتیجے میں گھر کی بالائی منزل میں آگ لگ گئی اور کھڑکیوں کو نقصان پہنچا۔ پولیس کے مطابق واقعے کے وقت گھر میں کوئی موجود نہیں تھا اس لیے کوئی جانی نقصان نہیں ہوا۔
رپورٹس کے مطابق حملہ اس وقت پیش آیا جب چند گھنٹے قبل شکیب الحسن نے سابق وزیراعظم شیخ حسینہ واجد کی ایک ورچوئل میڈیا تقریب میں شرکت کی تھی، جس میں انہوں نے دسمبر میں وطن واپسی کا اعلان کیا۔
دوسری جانب بنگلادیش کی وزارت خارجہ نے شیخ حسینہ کے بھارت سے میڈیا سے خطاب پر سخت ردعمل دیتے ہوئے اسے ملکی خودمختاری کے خلاف قرار دیا ہے۔