کرکٹ آسٹریلیا نے کھلاڑیوں کو ملکی لیگ کو غیر ملکی لیگز پر ترجیح دینے کی پالیسی واضح کرتے ہوئے کہا ہے کہ پہلے اپنی لیگ، پھر دوسری لیگ ہو گی۔
کرکٹ آسٹریلیا کے مطابق آسٹریلوی ٹی ٹوئنٹی کپتان میچل مارش اور میٹ شارٹ بگ بیش لیگ (بی بی ایل) کے مکمل ایڈیشن کے لیے دستیاب ہوں گے اور انہیں بی بی ایل کی کمٹمنٹ مکمل ہونے کے بعد ہی ریلیز کیا جائے گا۔
واضح رہے کہ میچل مارش اور میٹ شارٹ کا ساؤتھ افریقہ ٹی ٹوئنٹی (ایس اے 20) لیگ کے لیے معاہدہ ہوا ہے اور دونوں کھلاڑی پہلی مرتبہ اس لیگ میں شرکت کریں گے۔
بگ بیش لیگ 12 دسمبر سے 26 جنوری تک کھیلی جائے گی، جبکہ ایس اے ٹی ٹوئنٹی کا آغاز 17 جنوری سے ہو رہا ہے، جس کی وجہ سے دونوں کھلاڑی بی بی ایل کے اختتام پر ہی جنوبی افریقہ روانہ ہوں گے۔