کراچی کے ضلع شرقی کی پولیس نے ایک کارروائی کے دوران بین الاقوامی منشیات سپلائی نیٹ ورک سے تعلق رکھنے والے میاں بیوی کو گرفتار کرلیا ہے۔
گرفتار ملزمان کوئٹہ سے منشیات منگوا کر آسٹریلیا میں مقیم نیٹ ورک کو سپلائی کرنے میں ملوث تھے اور تلاشی کے دوران ان کے قبضے سے چپلوں میں انتہائی مہارت کے ساتھ چھپائی گئی منشیات برآمد کی گئی ہے۔
ایس ایس پی ایسٹ زبیر نذیر کے مطابق آسٹریلیا میں موجود اس بین الاقوامی نیٹ ورک کا مرکزی سرغنہ وہاں منشیات وصول کرکے آگے فروخت کرتا تھا، جس کے بعد فروخت کی رقم پاکستان میں موجود ان کے کارندوں کو منتقل کی جاتی تھی۔
پولیس نے ملزمان کو گرفتار کرکے معاملے کی مزید تحقیقات کا آغاز کردیا ہے۔