بہاولنگر میں نوجوانوں کے ایک گروہ نے مبینہ طور پر ڈنڈوں کے وار کرکے خواجہ سرا راشد عرف زویا کو قتل کردیا۔ پولیس کے مطابق مقتولہ اپنی بہن کے ہمراہ اسپتال جا رہی تھی کہ راستے میں ملزمان نے حملہ کردیا۔
رپورٹ کے مطابق راشد نے اس سے قبل ملزمان کے خلاف مسلح ہو کر دھمکیاں دینے کے الزام میں مقدمہ درج کروایا تھا۔ ملزمان مبینہ طور پر راشد پر اپنے حق میں بیان دینے کے لیے بھی دباؤ ڈال رہے تھے۔
پولیس نے واقعے کا مقدمہ قتل درج کرکے دو ملزمان، وقاص اور سلیمان کو گرفتار کرلیا ہے، جبکہ مزید تفتیش جاری ہے۔