سکھر میں روہڑی انٹرچینج کے قریب ایک ایل پی جی ٹینکر میں شدید دھماکا ہوا ہے، جس کے نتیجے میں 2 افراد جاں بحق اور 3 شدید زخمی ہوگئے۔
پولیس کے مطابق حادثے کی اطلاع ملتے ہی پولیس اور ریسکیو ٹیمیں فوری طور پر جائے وقوعہ پر پہنچ گئیں اور امدادی کارروائیاں شروع کردیں۔
ریسکیو اہلکاروں نے لاشوں اور زخمیوں کو فوری طور پر تعلقہ اسپتال روہڑی منتقل کردیا ہے۔
دھماکا اتنا شدید تھا کہ اس کی زد میں آکر قریب سے گزرنے والی متعدد گاڑیوں کو بھی شدید نقصان پہنچا ہے۔