اداکارہ غزالہ جاوید نوجوان اداکاروں سے نالاں، انڈسٹری کے تلخ تجربات بیان کردیے

image

پاکستانی شوبز انڈسٹری کی سینئر اداکارہ غزالہ جاوید نے نوجوان اداکاروں کے رویوں، وقت کی پابندی اور سینئرز کے احترام میں کمی پر کھل کر اظہارِ خیال کیا ہے۔

مارننگ شو میں گفتگو کرتے ہوئے غزالہ جاوید نے کہا کہ انڈسٹری میں ان کے کام چھوڑنے کے قریب پہنچنے کی ایک بڑی وجہ نوجوان اداکاروں میں بڑھتا ہوا تکبر ہے۔ ان کے مطابق اب وہ صرف ایسے پروڈکشن ہاؤسز اور چینلز کے ساتھ کام کرتی ہیں جہاں تعاون اور احترام کا ماحول ہو۔

اداکارہ کا کہنا تھا کہ سینئر فنکار وقت پر سیٹ پر پہنچتے ہیں، لیکن مرکزی کردار ادا کرنے والے بعض نوجوان اداکار تاخیر سے آتے ہیں اور پروڈکشن ٹیم کو گھنٹوں انتظار کرنا پڑتا ہے۔

غزالہ جاوید نے مزید کہا کہ پروڈکشن ٹیم اور معاون اداکار وقت پر موجود ہوتے ہیں، لیکن مرکزی اداکاروں کی تاخیر سے کام متاثر ہوتا ہے۔ ان کے بقول ان کے کئی ساتھی بھی اس صورتحال سے پریشان ہیں اور پروڈکشن ہاؤسز کو اس معاملے میں سخت رویہ اختیار کرنا چاہیے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US