کراچی میں فلار ملز مالکان نے فائن آٹے کی قیمت میں 20 روپے جبکہ ڈھائی نمبر آٹے کی قیمت میں 15 روپے فی کلو اضافہ کردیا۔
قیمتوں میں اضافے کے بعد فائن آٹا 210 روپے اور ڈھائی نمبر آٹا 180 روپے فی کلو فروخت ہونے لگا، جبکہ شہر میں گندم کی قیمت بھی 150 روپے فی کلو تک پہنچ گئی ہے۔
دو لاکھ ٹن سے زائد درآمدی گندم پہنچنے کے باوجود کراچی میں آٹے کی قیمتوں میں کمی نہ آسکی۔ رومانیہ سے 50 ہزار ٹن گندم لے کر آنے والا جہاز بھی کراچی پہنچ گیا ہے، جس کی گندم پنجاب بھیجی جائے گی۔