اسٹاک مارکیٹ پھر مندی کا شکار

کراچی: پاکستان اسٹاک مارکیٹ میں کاروباری ہفتے کے آخری روز کے آغاز پر شدید مندی کا رجحان دیکھا گیا ہے۔

جمعہ کے روز مارکیٹ کا آغاز  34 ہزار 293 پر ہوا اور ابتدائی ایک گھنٹے کے دوران 100 انڈیکس میں 216 پوائنٹس کی کمی دیکھی گئی ہے۔

 

گزشتہ روز بھی پاکستان اسٹاک ایکسچینج میں کاروبار شدید متاثر رہا اور مارکیٹ 382 پوائنٹس کی کمی پر بند ہوئی۔

کاروباری ہفتے کے چوتھے روز جمعرات کو اسٹاک مارکیٹ میں مندی رہی۔ کاروبار کا آغاز کے ایس ای 100 انڈیکس میں 34 ہزار 281 پوائنٹس پر ہوا اور ابتدائی ایک گھنٹے کے دوران 80 پوائنٹس اضافے کے ساتھ  انڈیکس 34 ہزار 361 پوائنٹس پر ٹریڈ کر رہا تھا۔

اسٹاک مارکیٹ کے ابتدائی ایک گھنٹے کاروبار مثبت زون میں رہا تاہم اس کے بعد منفی زون میں ٹریڈ کرنے لگا اور کاروبار کے اختتام تک منفی زون میں ہی رہا۔

کاروبار کے دوران کے ایس ای 100 انڈیکس میں سب سے زیادہ کمی 445 پوائنٹس کی ہوئی اور انڈیکس 33 ہزار 836 پوائنٹس پر ٹریڈ کرتا نظر آیا تاہم کاروبار کا اختتام 382 پوائنٹس کی کمی کے ساتھ 34 ہزار 293 پوائنٹس پر ہوا۔

کے ایس ای 100 انڈیکس میں کاروبار کے دوران 107,713,110 شیئرز کی لین دین ہوئی جس کی مالیت پاکستانی روپوں میں 3,276,326,502 بنتی ہے۔

گزشتہ روز پاکستان اسٹاک ایکسچینج مثبت زون میں ٹریڈ کرتی رہی اور کاروبار کا اختتام 197 پوائنٹس کے اضافے پر ہوا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.