امن مذاکرات:زلمےخلیل زادطالبان سےملاقات کریں گے

امریکا کے اسٹیٹ ڈپارٹمنٹ کا کہنا ہے کہ کابل میں ملاقاتوں کے بعدزلمے خلیل زاد طالبان سے ملاقات کےلیےقطرروانہ ہوں گے۔

غیر ملکی خبر رساں ادارےکے مطابق امریکی محکمہ خارجہ کاکہناہےکہ امن مذاکرات دوبارہ شروع کرنےکے لیے کوششیں جاری ہیں۔ اسی سلسلےمیں امریکا کےخصوصی نمائندےزلمےخلیل زاد افغان امن مذاکرات کے لیے دوحا، قطرجائیں گے۔

امریکی محکمہ خارجہ کا مزیدکہناتھاکہ افغان امن سے متعلق نیٹوسے بھی مشاورت کی جا رہی ہے۔

دوسری جانب افغان میڈیا کا کہنا ہے کہ زلمے خلیل زاد نے افغان صدر اشرف غنی سے کابل میں اہم ملاقات کی ہے، جس میں افغان امن عمل اورمذاکرات کی بحالی سمیت مختلف امورپربات چیت کی گئی۔

اشرف غنی کی جانب سے بیان گئے تحفظات کے جواب میں امریکی اسٹیٹ ڈپارٹمنٹ نے جنگ بندی کی حمایت کے لیے آواز اٹھائی، جسے طالبان طویل عرصے سے مسترد کررہے ہیں اور زلمے خلیل زاد کے ساتھ معاہدے کے ابتدائی مسودے میں بھی اسے شامل نہیں کیا گیا تھا۔

خیال  رہے کہ امریکی صدر ڈونلڈ ٹرمپ کی جانب سے افغان امن مذاکرات کی منسوخی پر طالبان ترجمان ذبیح اللہ نے کہا تھا کہ امن مذاکرات کی منسوخی کا سب سے زیادہ نقصان امریکا ہی کو پہنچے گا، اس کا اعتماد اور ساکھ متاثر ہوگی۔

واضح  رہے کہ چند روز قبل امریکی صدر ڈونلڈ ٹرمپ مغربی تہوار تھینکس گِونگ کے موقع پر اچانک افغانستان پہنچے تھے جہاں انہوں نے امید ظاہر کی تھی کہ امریکا کی طویل جنگ کے خاتمے کے لیے طالبان جنگ بندی پر رضامند ہوجائیں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.