اعلیٰ ثانوی تعلیمی بورڈ کراچی کا طلباء کے لیے اعلان

اعلیٰ ثانوی تعلیمی بورڈ کراچی نے ایسے امیدواروں کو انرولمنٹ فارم جمع کروانے کی اجازت دیدی ہے جو انٹرمیڈیٹ حصہ اول کے سالانہ امتحانات برائے 2018ء اور 2019ء میں شریک ہوئے لیکن ابھی تک ان کی انٹرمیڈیٹ حصہ اول کی مارکس شیٹ جاری نہیں ہوئی ہیں۔ انٹربورڈ کے جاری کردہ نوٹیفکیشن نمبر BIE/ENR/203/18-19/2020 کے مطابق گورنمنٹ کالجوں اور ہائیر سیکنڈری اسکولوں کے ایسے تمام امیدوار اپنے انرولمنٹ فارم 3500 روپے فیس کے ساتھ جبکہ پرائیویٹ کالجوں اور ہائیر سیکنڈری کے امیدوار 5000 روپے فیس کے ساتھ انرولمنٹ سیکشن سے ضروری تصدیق کے بعد فوری طور پر بورڈ آفس میں واقع 'یونائیٹڈ بینک لمیٹڈ' اور 'جے ایس بینک' بوتھ میں جمع کرواسکتے ہیں۔ تمام ریگولر طلباء کیلئے لازمی ہے کہ ان کے انرولمنٹ فارم متعلقہ کالج کے پرنسپل سے تصدیق شدہ ہوں۔