پاکستانی ڈرامہ انڈسٹری میں بے شمار ایسے فنکار موجود ہیں جنہیں اپنی زندگی کے کسی نہ کسی موقع پر ڈپریشن کا سامنا کرنا پڑا۔
ڈرامہ دو بول اور غلطی کے ہیرو عفان وحید بھی ان ہی اداکاروں میں سے ایک ہیں۔
اداکار کا کہنا ہے کہ میری زندگی میں ایسا وقت بھی گزرا ہے جب میں ڈپریشن میں چلا گیا تھا، مجھے اس پر بات کرتے ہوئے شرمندگی نہیں ہے میں اعتماد کے ساتھ اس پر بات کرتا ہوں۔
عفان وحید نے کہا کہ جب میں ڈپریشن کا شکار تھا تو میں نے خود کو ایک تاریک کمرے میں بند کرلیا تھا، اور سوچتا تھا کہ تاریک کمرے میں رہنا ٹھیک ہے۔
عفان وحید کے مطابق آپ کا دماغ زندگی چلاتا ہے تو آپ اس کے لیے ڈاکٹر کے پاس کیوں نہیں جاسکتے ہیں، اس میں کوئی عار نہیں ہے، لوگوں کو جو کہنا وہ کہنے دیں یہ آپ کی زندگی ہے اور آپ کو اسے زندہ کرنا پڑے گا۔
اداکار نے اپنے مداحوں کو مشورہ دیتے ہوئے کہا کہ اگر کوئی ڈپریشن کا شکار ہورہا ہے تو وہ ڈاکٹرز سے لازمی رجوع کریں، میں لازمی طور پر اس پر یقین رکھتا ہوں کہ ڈاکٹر کے پاس جانے میں کوئی شرم محسوس نہیں کرنی چاہئے۔