بالی ووڈ اور ہالی ووڈ میں کام کرنا ہر پاکستانی اداکار کا خواب ہوتا ہے اور پھر اگر خود سے کوئی آفر آجائے تب تو سونے پر سہاگہ والی بات ہوتی ہے۔
ہمارے پاکستانی کئی اداکار بالی ووڈ میں کام کر چکے ہیں جبکہ ایک، دو نے تو ہالی ووڈ میں بھی کام کیا ہے۔
تفصیلات کے مطابق ہماری پاکستانی ڈرامہ انڈسٹری کی گریس فل اداکارہ سائرہ یوسف کو بھی ہالی ووڈ سے کام کی پیشکش ہوئی جسے انہوں نے رد کردیا۔
سائرہ نے ایک پروگرام میں شرکت کی جس کے میزبان پاکستان کے معروف ڈیزائنر حسن شہریار یاسین تھے، میزبان کے سوال کے جواب میں اداکارہ نے بتایا کہ 'ہاں یہ سچ ہے کہ مجھے آفر ہوئی تھی جسے میں نے رد کردیا تھا'۔
سائرہ نے بتایا کہ 'میں نے اس وجہ سے آفر رد کی تھی کیونکہ کردار کافی بولڈ تھا'۔
اداکارہ سائرہ یوسف کا مزید کیا کہنا تھا، ویڈیو دیکھیں۔