آج کل پاکستان سمیت دنیا کے مختلف ممالک میں کورونا وائرس کے باعث لاک ڈاؤن کیا جا رہا ہے کیونکہ وبا کی تیسری لہر خطرناک ہے ایسے میں ایک شوہر نے اپنی بیوی کو طلاق دے دی جس کی وجہ انتہائی حیران کن ہے۔
تفصیلات کے مطابق اردن سے تعلق رکھنے والے ایک شہری نے چند ماہ میں بیوی کو تیسری مرتبہ کورونا ہونے کے بعد طلاق دے دی ہے۔
بین الاقوامی میڈیا کے مطابق شوہر کا کہنا ہے کہ شادی کے 15 سال بعد طلاق کا فیصلہ بیوی کے لیے ایک سزا کے طور پر کیا جو اپنی لاپرواہی کے باعث چند ماہ کے دوران 3 بار کورونا میں مبتلا ہوگئی۔
اردن کے شہری نے اہلیہ کو طلاق دینے کی وجہ بتاتے ہوئے کہا کہ اُس کی بیوی بار بار دوستوں کے ہمراہ شاپنگ کے لیے جاتی اور کورونا میں مبتلا ہو جاتی تھی، اس نے غیر ذمہ داری کا مظاہرہ کرنے پر بیوی کو طلاق دی۔
شوہر کا کہنا ہے کہ چاہے کچھ بھی ہو جائے وہ اپنی بیوی کو کبھی معاف نہیں کرے گا کیونکہ وہ بیوی کی لاپرواہی کی وجہ سے مرنا نہیں چاہتا۔