قومی وومن کرکٹ ٹیم کی فاسٹ باؤلر کائنات امتیاز شادی کے بعد اپنے شوہر کے ساتھ سیر سپاٹے کرنے شمالی علاقہ جات پہنچ گئیں جہاں دونوں میاں بیوی کی ساتھ میں کرکٹ کھیلتے ویڈیو سوشل میڈیا پر وائرل ہو رہی ہے۔
ویڈیو میں دیکھا جا سکتا ہے کہ کائنات امتیاز پہلے بیٹنگ کرتی ہیں جبکہ اُن کے شوہر انہیں باؤلنگ کراتے ہیں۔ مذکورہ ویڈیو باشو ویلی اسکردو میں کرکٹ کھیلنے کی ہے جو متعدد سوشل میڈیا پیجز پر چل رہی ہے۔
ویڈیو میں دیکھا جاسکتا ہے کہ کائنات امتیاز نے پہلے شوہر کی باؤلنگ پر اونچے اونچے شاٹس کھیلے اور ایک گیند پر چھکا بھی لگایا۔
جب کائنات کے شوہر کی بیٹنگ کی باری آئی تو کائنات نے انہیں کلین بولڈ کردیا۔
خیال رہے کرکٹر کائنات امتیاز رواں سال 26 مارچ کو شادی کے بندھن میں بندھیں اور ان کی رخصتی 30 مارچ کو ہوئی۔ ان کی شادی کی تصویروں نے بھی سوشل میڈیا پر سماء باندھ دیا تھا۔