ہم جتنے بھی امیر ہو جائیں پر اپنا بچپن نہیں بھولتے یہی وجہ ہے کہ آج پیسہ، دولت شہرت ہونے کے باوجود بھی یہ مشہور پاکستانی اداکار بچپن کی عید کو یاد کرتے ہیں، آئیے جناتے ہیں یہ بچپن میں عید کیسے گزارتے تھے۔

حنا الطاف:

معصوم دکھنے والی مشہور اداکارہ حنا بتاتی ہیں کہ بچپن سے ہی مجھے یہ شوق ہوتا تھا کہ بکرے کب آئیں گے گھر پر تو ہم ہمیشہ صبح شام اپنے ابو سے قربانی کے جانور گھر لانے کی بات کرتے تھے مگر اب مصروف رہتے تھے اور ہم بھی چھوٹے ہوتے تھے۔

تو ایک دن ایسا آتا تھا کہ جب ہم صبح اٹھتے تھے تو ابو کہتے تھے کہ جاؤ دیکھو تمہارے لیے کچھ لایا ہوں تو ہم گیراج میں جاتے اور دیکھتے کہ بکرے بندھے ہوتے۔ بس پھر خوشی کی انتہا نہ رہتی اور سب کام چھوڑ کر انکی دیکھ بھال میں لگ جاتے۔

سونیا حسین:

ملک کی یہ مشہور اداکارہ جس ڈرامے میں ہوں اور وہ ہٹ نہ ہو ایسا ہو نہیں سکتا یہ کہتی ہیں کہ بچپن میں یہ شوق ہوتا تھا کہ عیدی کے پیسے جمع کر کے کون آئسکریم کھانی ہے، کولڈ ڈرنک پینی ہے اور بہت کچھ کرنا ہے یہ سب آج تک نہیں بھولتا۔

نادیہ خان:

نادیہ خان کہتی ہیں کہ ہم عید کے دن دادی کے گھر جاتے تھے جہاں ہمارے 11 چاچو بھی آ جاتے اس کے علاوہ بھی دیگر رشتےدار آئے ہوئے ہوتے تھے تو ہم بچے محلے کی ایک دکان پر جاتے چھوٹی چھوٹی سی مٹھائی بہت شوق سے کھاتے اور ہر رنگ کی کولڈڈرنک پیتے۔

کیونکہ اس دن کوئی منع نہیں کرتا تھا سب بہت مصروف ہوتے تھے ہاں عیدی ہمیں زیادہ نہیں بس نارمل ہی ملا کرتی تھی۔

ہمایوں سعید:

ہمایوں سعید پاکستانی ٹی وی انڈسٹری کے وہ اداکار ہیں جو اس وقت اپنی شہرت کی بلندیوں پر ہیں یہ بھی کہتے ہیں کہ عید کی خوشی بہت ہوتی تھی ہم تو عید سے ایک یا دو رات پہلے طارق روڈ (کراچی) جا کر عید کیلئے شلوار قمیض کھسہ، چپل اور پینٹ شرٹ لیا کرتے تھے۔

اس کے علاوہ ہمیشہ اپنے بڑوں کے گھر جانے کا انتظار رہتا تھا کہ کب وہاں جائیں اور وہ ہمیں عیدی دیں۔