سوناکشی میری بھتیجی ہے کیونکہ۔۔ ضیاء الحق کی بیٹی کون ہیں؟ ان کے بارے میں چند دلچسپ باتیں

image

“اللہ میری ہر دعا فوراً قبول کرتے ہیں۔ جب ابو زندہ تھے تو وہ مجھ سے اتنا پیار کرتے تھے کہ بھلے کتنی بھی اہم میٹنگ میں ہوں میں بلاؤں تو فوراً آجاتے تھے۔ اب بھائی اعجاز الحق ہے اسے میں ابو کہتی ہوں کیوں کہ یہ بھی ان کی طرح ہی مجھ سے پیار کرتا ہے اور میرا خیال رکھتا ہے“

یہ کہنا ہے زین ضیاء کا جو پاکستان کے سابق صدر مرحوم ضیاء الحق کی بیٹی ہیں۔ ضیاء الحق کی حادثے میں موت کو اگرچہ کئی دہائیاں گزر چکی ہیں لیکن ان کے مداح آج بھی انھیں یاد کرتے ہیں۔ حال ہی میں ان کی صاحبزادی نے پہلی بار انٹرویو دیتے ہوئے اپنی زندگی کے بارے میں بات کی۔

زین ضیاء ذہنی طور پر کمزور ہیں لیکن ان کی باتوں میں ذہانت محسوس ہوتی ہے۔ زین ضیاء کے اکلوتے بھائی کا کہنا ہے کہ ان کی بہن کی دعا ہمیشہ قبول ہوتی ہے۔ وہ ابو کی بہت لاڈلی تھیں اور اب معذور لوگوں کے لئے سوشل ورک کرتی ہیں۔

سوناکشی مجھے پھوپھی کہتی ہے

بہت کم لوگ یہ بات جانتے ہیں کہ بھارت کے مشہور اداکار شتروگھن سنہا اور ضیاء الحق آپس میں بہت گہرے دوست تھے۔ یہاں تک کہ شتروگھن سنہا، زین ضیاء کو اپنی بہن مانتے ہیں اور ان سے ملنے بھی آتے ہیں۔ شتروگھن کی بیٹی اور معروف اداکارہ سوناکشی، زین ضیاء کو پھوپھی کہتی ہیں۔ زین 2 بار بھارت جاچکی ہیں اور تمام بالی وڈ اداکاروں سے مل چکی ہیں۔

ابو سے سفید ہاتھی کی فرمائش کی

زین نے بتایا کہ جب ان کے والد حیات تھے تو انھوں نے فرمائش کی کہ انھیں ہاتھی چاہیے جس کے بعد ضیاء الحق نے بیٹی کے لئے سفید ہاتھی منگوایا۔ کچھ عرصے پہلے ہی اس ہاتھی کا انتقال ہوا ہے۔


مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.