چھٹا ٹی20: کیا پاکستان آج سیریز میں فیصلہ کن برتری حاصل کر پائے گا؟

image

پاکستان اور انگلینڈ کے درمیان سات ٹی20 میچز پر مشتمل سیریز کا چھٹا میچ آج کھیلا جائے گا۔

قذافی سٹیڈیم لاہور میں شیڈول ٹی20 میچ دونوں ٹیموں کے لیے انتہائی اہم ہے۔

اگر پاکستانی ٹیم یہ میچ جیت لیتی ہے تو پاکستان کو سیریز میں 2-4 کی فیصلہ کن برتری حاصل ہوجائے گی تاہم انگلینڈ کی جیت کی صورت میں سیریز 3-3 سے برابر ہوجائے گی۔

اس سے پہلے کھیلے گئے پانچویں ٹی20 میچ میں پاکستان نے انگلینڈ کو 6 رنز سے ہرادیا تھا۔

کرک انفو کے مطابق چھٹے ٹی20 میچ میں پاکستان ٹیم میں وکٹ کیپر بیٹر محمد رضوان کی جگہ محمد حارث اور حارث رؤف کی جگہ محمد حسنین کو کھلایا جاسکتا ہے۔

دوسری جانب انگلش ٹیم کے کپتان جوز بٹلر کی چھٹے ٹی20 میں بھی شرکت مشکوک ہے اور ان کی جگہ معین علی ہی ٹیم کی کپتانی کریں گے۔

فاسٹ بولر ڈیوڈ وِلی کی جگہ لیام ڈاسن کو میچ میں موقع دیا جاسکتا ہے۔

خیال رہے پاکستان اور انگلینڈ کے درمیان سیریز کا چھٹا ٹی20 میچ پاکستانی وقت کے مطابق شام 7:30 بجے کھیلا جائے گا۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.