باورچی خانے میں سب سے زیادہ کارآمد ہونے کے علاوہ تیز پتہ اپنی بہت سی خصوصیات کی وجہ سے صدیوں سے روایتی ادویات میں استعمال ہوتا رہا ہے۔ یہ ہاضمے کو بہتر بنانے اور درد اور پیٹ پھولنے کی تکلیف کو دور کرنے میں مدد کرتا ہے. اس کے علاوہ تیز پتے میں بخار اور نزلہ زکام کے خلاف مفید خصوصیات بھی ہیں۔ تیز پتہ گٹھیا کی علامات کو دور کرنے کے ساتھ ساتھ کیڑوں کو بھگانے والی خصوصیات رکھنے کے لیے بھی تجویز کیا جاتا ہے۔ آج ہم آپ کو بتائیں گے کہ کیسے اس کو سرہانے رکھ کر سونا چاہیے اور ان سے کیا فائدے حاصل ہوتے ہیں۔
تیز پتے سے فائدہ اٹھانے کا ایک طریقہ یہ ہے کہ ان کی تھوڑی سی پتیاں تکیہ کے نیچے رکھ کر سوجائیں. جبکہ دوسرا طریقہ یہ ہے کہ ان کو جلا کر کمرے میں دھونی دیں.
تیز پتہ خوشگوار، پرسکون مہک خارج کرتے ہیں جس سے ذہنی تناؤ کم ہوتا ہے.
تیز پتے کو قریب رکھ کر سونے سے نیند کے معیار کو بہتر بنا سکتے ہیں۔
تیز پتے سونے کے کمرے میں کیڑے مکوڑوں کو روکنے میں مدد کرتے ہیں. ایسے لوگ جو الرجی کی وجہ سے مچھر مار اسپرے نہیں کرتے وہ یہ طریقہ ضرور آزمائیں
تیز پتہ کمرے سے زہریلے مادے جذب کر کے فضا کو صاف بناتا ہے. یہ کمرے کی توانائی کو بھی صاف کر سکتے ہیں۔
رات بھر ان کی خوشبو سونگھنے سے نزلہ زکام کے اثرات بھی ختم ہوجاتے ہیں.