پاکستان نے موسیقی کی دنیا کو بہت بڑے بڑے نام دیئے ہیں لیکن ایسے لوگوں کی بھی کوئی کمی نہیں جن کو سننا بہت مشکل کام ہے لیکن وہ گانے سے بعض نہیں آتے جیسے کہ چاہت فتح علی خان کو سننا بہت ہمت اور حوصلے کا کام ہے لیکن لوگ انہیں اکثر سنتے ہیں تاہم حال ہی میں اداکارہ نادیہ حسین نے ایک گانا سنایا جس پر لوگوں نے انہیں بھی چاہت فتح علی خان سے ملا دیا ہے۔
نادیہ حسین نے اک ٹی وی پروگرام میں شرکت کی جہاں اُنہوں نے پہلی بار گلوکاری کی، سوشل میڈیا پر وائرل ویڈیو دیکھا جاسکتا ہے کہ نادیہ حسین اپنی گائیکی میں مگن ہیں جبکہ پروگرام کے میزبان مومن ثاقب اُن کی گائیکی سے لطف اندوز ہوتے ہوئے رقص کررہے ہیں۔
نادیہ حسین کی ویڈیو پر قہقہوں کا طوفان امڈ آیا اور ویڈیو پر مزاحیہ تبصروں کا سلسلہ شروع کردیا۔فضا نامی صارف نے ویڈیو پر تبصرہ کرتے ہوئے کہا کہ “بہت اچھی گلوکاری کی، پلیز! اب دوبارہ نہیں گانا۔
دُعا نامی صارف نے کہا کہ “آپ سب کچھ کرلینا لیکن گلوکاری نہیں کرنا، ہم آپ کی سُریلی آواز نہیں سُن سکتے”۔ایک صارف نے نادیہ حسین پر تنقید کرتے ہوئے کہا کہ “لوگوں کو اپنی بےعزتی کرواتے ہوئے شرم بھی نہیں آتی”۔غلام نامی صارف نے پوچھا کہ “نادیہ حسین میں چاہت فتح علی خان کی روح کہاں سے آگئی؟”
واضح رہے کہ چاہت فتح علی خان اپنے منفرد گانوں کی وجہ سے سوشل میڈیا پر کافی مشہور ہیں، اُنہوں نے کرکٹ ورلڈ کپ 2023 کے لیے ترانہ بھی جاری کردیا تھا جو پاکستان میں کافی مقبول ہوا تھا۔
حال ہی میں ایک تقریب کے دوران اداکارہ مہوش حیات کے ساتھ نامناسب رویئے کی وجہ سے چاہت فتح علی کو تنقید کا سامنا بھی کرنا پڑا تھا۔