آج تک آپ نے کئی بار سنا ہوگا کہ زندگی مختصر ہے لیکن عمر اکمل نے اس محاورے کو اتنی سنجیدگی سے لیا ہے کہ دیکھنے والے ہنس پڑے.
کرکٹ ٹیم کے سابق کھلاڑی عمر اکمل نے پھولوں والے گلابی کو آرڈ لباس میں اپنی تصویر شیئر کی ہے۔ جبکہ پوسٹ کا کیپشن دیتے ہوئے لکھا ہے کہ ’بورنگ ملبوسات پہننے کے لیے زندگی بہت چھوٹی ہے"
تصویر میں دیکھا جاسکتا ہے کہ عمر اکمل اپنے گھر کے گارڈن میں انتہائی خوشگوار موڈ میں کھڑے ہیں اور کسی نامناسب کمنٹ سے بچنے کے لئے انھوں نے اپنا کمنٹ سیکشن بھی بند کردیا ہے.
البتہ عمر اکمل کی یہ منفرد تصویر وائرل ہوچکی ہے. جہاں کچھ لوگ عمر اکمل کے لباس کا مذاق اڑا رہے ہیں وہیں ایسے لوگ بھی ہیں جو ان کو مرضی سے جینے اور ثابت قدم رہنے پر سراہ رہے ہیں.