گزشتہ ہفتے مشہور باؤلر شاہین آفریدی اور انشا آفریدی کے ہاں بیٹے کی ولادت ہوئی اور سوشل میڈیا صارفین کی یہ دیکھ کر حیرت کی انتہا نہ رہی کہ اگلے ہی دن شاہین اور انشا کے صاحبزادے عالیار آفریدی کا انسٹاگرام اکاؤنٹ بھی بن چکا تھا.
عالیار آفریدی کے اکاؤنٹ میں شئیر کی گئی پہلی پوسٹ ان کے والد شاہین آفریدی کی ایک خوبصورت ویڈیو ہے جس میں وہ اپنی وکٹ اشاروں سے بیٹے کے نام کررہے ہیں
جبکہ ایک اور ویڈیو بھی پوسٹ کی گئی ہے جس میں گھر کو نیلے رنگ اور خوبصورت چیزوں سے سجایا گیا ہے ساتھ ہی ویڈیو کا کیپشن لکھا کہ "بابا پہلی بار اپنے بیٹے سے ملیں گے"
عالیار شاہین کے انسٹاگرام اکاؤنٹ پر ان کی ہی پیاری سی تصویر بطور ڈسپلے پکچر لگائی گئی ہے.
ساتھ ہی ایک پوسٹ میں شاہین نے انشاء آفریدی کا شکریہ ادا کرتے ہوئے لکھا کہ “میں ہمیشہ اپنی اہلیہ کا شکر گزار رہوں گا کہ ان تمام تکالیف کے لیے جو اسے برداشت کرنا پڑا، وہ ہمارے چھوٹے خاندان کی سپورٹ سسٹم ہے“
اس موقع پر پہلی بار نانا بننے والے سابق کپتان اور شاہین آفریدی کے سسر شاہد آفریدی نے بھی ایکس پر لکھا کہ دنیائے کرکٹ کے کم عمر ترین نانا بننے پر آپ تمام احباب کے محبتوں بھرے پیغامات موصول ہو رہے ہیں۔ خوشیوں میں شامل ہونے پر میں اور میری فیملی آپ سب لوگوں کا دل سے شکریہ ادا کرتے ہیں۔