انڈیا کی ریاست تیلنگانہ سے تعلق رکھنے والے یوٹیوبر کو یوٹیوب پر مور کا سالن پکانے کی ترکیب بتانا مہنگا پڑ گیا۔
ہندوستان ٹائمز کے مطابق یہ واقعہ تیلنگانہ کے ضلع راجنا سِرسِلا میں پیش آیا جہاں یوٹیوبر کو مور کا سالن پکانے کی ترکیب بتانے کی ویڈیو پوسٹ کرنے پر گرفتار کر لیا گیا۔
کوڈم پَرانے کمار نامی اس یوٹیوبر نے یہ کام ویوز حاصل کرنے کے لیے کیا تھا۔
جب مور کا سالن پکانے کی ویڈیو اپلوڈ ہونے کے بارے میں محکمہ وائلڈ لائف کو علم ہوا تو اہلکار تنگالاپلی گاؤں پہنچے جہاں سے یوٹیوبر کے گھر سے مور کا سامن برآمد کیا گیا۔
سالن کے نمونے کو فرانزک تحقیقات کے لیے لیب بھیجا گیا۔
اس یوٹیوبر کے خلاف اتوار کو مقدمہ درج کیا گیا۔
انڈین میڈیا کے مطابق ویڈیو اپلوڈ ہونے کے بعد کوڈم پَرانے کمار کو حراست میں لے لیا گیا جبکہ یوٹیوب نے یہ ویڈیو اپنے پلیٹ فارم سے ہٹا دی ہے۔
یوٹیوبر پر وائلڈ لائف پروٹیکشن ایکٹ کے تحت مقدمہ درج کیا گیا ہے۔
حکام کے مطابق یوٹیوب سے یہ ویڈیو اس وجہ سے ہٹائی گئی ہے کیونکہ اس سے یوٹیوبر ناپید ہونے کے خطرے سے دوچار پرندوں کے قتل پر ابھار رہے تھے۔
خیال رہے کہ مور انڈیا کا قومی پرندہ ہے۔