پاکستان کی معروف اداکارہ نادیہ خان کو اداکار بلال عباس کی اداکاری پر تنقید کرنا مہنگا پڑ گیا۔
حال ہی میں پاکستان کی معروف اداکارہ و میزبان نادیہ خان نے نجی چینل کے شو کیا ڈرامہ ہے میں ڈرامہ سیریل من جوگی پر اپنی رائے کا اظہار کرتے ہوئے کہا کہ بلال عباس ایک اچھے اداکار ہیں پر یہ رول ان پر سوٹ نہیں کیا۔
انہوں نے کہا کہ ڈرامے کے باقی اداکار گوہر رشید، سبینہ فاروق اور اسما عباس اپنے کرداروں کے لیے موضوع ہیں، پربلال اس ڈرامے میں ابھی تک سب سے کمزور دکھائی دے رہے ہیں۔
غلطی سے ہارٹ اٹیک کا لفظ استعمال کیا، آئمہ بیگ کی وضاحت
نادیہ خان نے کہا کہ ہو سکتا ہے کہ ڈرامے کی اگلی اقساط میں ان کا بلال کی اداکاری سے متعلق بیان بدل جائے پر ابھی وہ گوہر رشید جتنے متاثر کن نہیں ہیں۔
اداکارہ کے اس بیان پر بلال عباس کے مداحوں نے نادیہ خان پر کڑی تنقید کی، کافی مداحوں نے بلال کا دفاع کرتے ہوئے ان کو بہترین اداکار قرار دیا اور کہا کہ ان کی اسکرپٹ کا انتخاب کرنے کی صلاحیت بہترین ہے۔
ہم نیٹ ورک کے ڈرامے من جوگی کی دو اقساط نشر ہو چکی ہیں اور آج ڈرامے کی تیسری قسط پیش کی جائے گی، من جوگی کو ناظرین کی جانب سے سراہا جا رہا ہے، آنے والی اقساط ناظرین کو اپنی گرفت میں لے لیں گی۔