ونڈ ہوئیک: نمیبیا نے ملک میں درپیش بدترین خشک سالی کے باعث 700 سے زیادہ جنگلی جانوروں کو ذبح کرنے کا فیصلہ کیا ہے۔
غیر ملکی خبر رساں ایجنسی کے مطابق نمیبیا میں 100 سال کی بدترین خشک سالی کا سامنا ہے۔ حکام نے فیصلہ کیا ہے کہ خوراک کی ضرورت کو پورا کرنے کے لیے 700 سے زیادہ جنگلی جانوروں کو ذبح کیا جائے گا۔
رپورٹ کے مطابق ذبح کیے گئے جانوروں کا گوشت انتہائی غذائی عدم تحفظ کا شکار لوگوں میں تقسیم کر دیا جائے گا۔
یہ بھی پڑھیں: جرمنی نے افغان شہریوں کو ملک بدر کرنا شروع کر دیا
نمیبیا کی ماحولیات، جنگلات اور سیاحت کی وزارت نے کہا ہے کہ جن جانوروں کو ذبح کا فیصلہ کیا ہے ان میں 300 زیبرا، 100 نیل گائیں، 83 ہاتھی، 60 جنگلی بھینسیں، 50 جنگلی ہرن اور 30 دریائی گھوڑے (ہپوز) شامل ہیں۔