"باقاعدہ غیر ملکی نمبرز سے کال کرکے دانیہ شاہ سے شادی پر سنگین نتائج کی دھمکیاں دی جا رہی ہیں. ہم نے اداروں سے سیکورٹی بھی مانگی ہمیں سیکورٹی دی جائے"
یہ کہنا ہے پاکستان کے معروف ٹی وی میزبان مرحوم ڈاکٹر عامر لیاقت حسین کی سابقہ اہلیہ دانیہ شاہ سے حال ہی میں شادی کرنے والے وکیل حکیم احمد شہزاد لوہا پاڑ کا جن کا دعویٰ ہے کہ انھیں شادی کرنے پر سنگین نتائج کی دھمکیاں دی جارہی ہیں.
ملتان ہائی کورٹ بنچ کے جسٹس عاصم حفیظ نے دانیہ شاہ اور ان کے موجودہ شوہر حکیم شہزاد احمد کی سیکیورٹی فراہمی کے لیے دائر درخواست پر سماعت کی. درخواست گزار کا کہنا ہے کہ ہوم سیکرٹری پنجاب کو درخواست دی تھی کہ انہیں سیکیورٹی فراہم کی جائے جس کے اخراجات بھی وہ ادا کرنے کے لیے تیار ہیں۔
درخواست گزار نے مزید بتایا کہ حکیم شہزاد کو دھمکی دی گئی کہ وہ فوری دانیہ شاہ کو طلاق دیں بصورت دیگر انھیں گولی مار کر قتل کردیا جائے گا. اگرچہ یہ تو سامنے نہیں آیا کہ دھمکیاں کیوں اور کون دے رہا ہے البتہ غیر ملکی نمبرز سے کالز کی جارہی ہیں.