پاکستان ٹیلی کمیونیکیشن اتھارٹی(پی ٹی اے)نے ایک بار پھر واضح کیا ہے کہ ملک میں ورچوئل پرائیویٹ نیٹ ورکس کو بلاک نہیں کیا جا رہا۔اپنے سوشل میڈیااکاؤنٹس پر جاری بیان میں اتھارٹی نے نے میڈیا رپورٹس کو مسترد کر دیا۔
تاہم پاکستان ٹیلی کمیونیکیشن اتھارٹی نے آئی ٹی کمپنیوں، سافٹ ویئر ہاؤسز، فری لانسرز، بینکوں اور دیگر کاروباروں سے درخواست کی ہے کہ زیر استعمال وی پی این کو رجسٹر کرائیں تاکہ کسی بھی رکاوٹ کی صورت میں بلا تعطل انٹرنیٹ سروسز کو یقینی بنایا جا سکے۔
پی ٹی اے نے وی پی این کی رجسٹریشن کیلئے آن لائن سروس متعارف کرا دی
اتھارٹی نے مزید کہا کہ کاروباری ادارے پی ٹی اے اور پاکستان سافٹ ویئر ایکسپورٹ بورڈ کی ویب سائٹس کے ذریعے اپنا وی پی اینز رجسٹر کرا سکتے ہیں، یہ عمل مفت ہے اور اس میں 2 سے 3 روز لگتے ہیں۔