انڈین ریاست اُتراکھنڈ کے قصبے میں اچانک 71 لیمبرگینی گاڑیاں سڑکوں پر آ گئیں

image

انڈیا کی ریاست اُترا کھنڈ کا قصبہ میسوری اچانک اس وقت گرج دار آوازوں سے گونج اٹھا جب 71 لیمبرگینی گاڑیاں سڑکوں پر نمودار ہوئیں۔

این ڈی ٹی وی کی ایک خبر کے مطابق مہنگی گاڑیوں کا یہ میلہ ’لیمبرگینی گیرو ایونٹ‘ کا حصہ تھا۔

جب گاڑیوں کا قافلہ قصبے میں داخل ہوا تو تماشائی یہ منظر دیکھ کر حیران رہ گئے۔

فوٹو اور ویڈیو شیئرنگ ایپ انسٹاگرام پر ویڈیوز وائرل ہو رہی ہے جس میں لیمبرگینی گاڑیوں کو میسوری میں داخل ہوتے ہوئے دیکھا جا سکتا ہے۔

جبکہ ویڈیو میں یہ بھی دیکھا جا سکتا ہے کہ کئی سارے گاڑیوں کے شوقین افراد گلی کے کنارے پر کھڑے ہو کر سُپر کاروں کی آمد کا نظارہ کر رہے ہیں۔

مقامی لوگ، بچے حتی کہ ڈیوٹی پر مامور پولیس اہلکار بھی اس دلچسپ نظارے کو اپنے موبائل فون میں کیمرے کی مدد سے محفوظ کرتے رہے۔

انسٹاگرام پر شیئر کی گئی پوسٹ کے کیپشن میں لکھا گیا تھا کہ ’میسوری کی مقامی انتطامیہ کی جانب سے لیمبرگینی کا یہ قافلہ گزارنے کے لیے خصوصی طور پر ٹریفک کو روک کر رکھی گئی، اگر آپ کا کبھی میسوری سے گزر ہوا ہو تو آپ کو علم ہو گا کہ یہاں کی سڑکوں پر کس قدر ٹریفک ہوتی ہے، لیکن سُپر کاروں کے قافلے کے لیے اٹھائے جانے والے خصوصی انتظامات یقینی طور پر کسی پاگل پن سے کم نہ تھے۔‘

    View this post on Instagram           A post shared by Sirish Chandran (@sirishchandran)

کیپشن میں مزید لکھا گیا ہے کہ ’دوسری طرف سُپر کاروں کو دیکھ کر عوام کے چہروں پر جو حیرت انگیز خوشی آئی وہ بھی دیدنی تھی۔‘

دی لیمبرگینی گیرو، سُپر کاروں کے مالکان اور انہیں پسند کرنے والوں کے لیے ترتیب دیا گیا ایک ایونٹ ہے جس میں لیمبر گینی کاروں کی مختلف سرگرمیاں منعقد کی جاتی ہیں۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.