پاکستان کرکٹ ٹیم کے نوجوان وکٹ کیپر بلے باز، محمد حارث، شادی کے بندھن میں بندھ گئے! پشاور میں منعقد ہونے والی شاندار بارات میں خاندان اور قریبی دوستوں نے بڑی تعداد میں شرکت کی، جبکہ ولیمہ کی تقریب آج ہوگی۔
محمد حارث کے بھائی، محمد انس، نے میڈیا سے بات کرتے ہوئے بتایا کہ حارث کی شادی خاندان میں ہوئی ہے اور وہ اپنے بھائی کی نئی زندگی کے لیے خوشیوں بھرے سفر کی دعاگو ہیں۔
یاد رہے کہ 6 ستمبر کو محمد حارث نے اپنے نکاح کی خوشخبری انسٹاگرام پر شیئر کی تھی، جس میں انہوں نے اپنی تصویریں اور ویڈیوز بھی پوسٹ کیں۔ انہوں نے اپنی پوسٹ کے کیپشن میں لکھا تھا، "آج میرے نکاح کا دن ہے اور میں اس عظیم نعمت پر اللہ تعالیٰ کا شکر گزار ہوں۔"
محمد حارث کی یہ خوشخبری سوشل میڈیا پر دھوم مچا رہی ہے، جہاں ان کے فینز اور کرکٹ شائقین دل کھول کر مبارکباد دے رہے ہیں۔